Microsoft Word Ishlab chiqarish iqtisodiyoti doc

Mahsulot sifatini oshirish yo’nalishlari. 
Mahsulot sifatini oshirish juda 
ko’p omillarga bog’liqdir. Mahsulot sifatini oshirish uning barcha iste`mol 
qiymatlarini yaxshilanishiga olib keluvchi takomillashtirishlardir. 
Mahsulot sifatiga eng avvalo uni loyihalashtirish jarayonida asos 
solinadi. Konstruksiyaning samarali ekanligi, ayrim detal va bo’g’inlarning 
unifikasiyalashuvi mahsulot sifatining oshishiga olib keladi. Ishlab 
chiqarishni mexanizasiyalashtirish darajasini oshirish yuqori mahsulot ishlab 
chiqarishning moddiy asosi bo’lib hisoblanadi.
Jihozlarning 
progressivligi mehnatni mexanizasiyalashganlik darajasi, ishlov berish sifati, 
universallik kabi ko’rsatkichlar bilan xarakterlanadi. Texnologik jarayonlariga 
sifatni nazorat qilish operasiyalari kiritilishi va zaruriy uskuna va normativ 
texnik hujjatlar bilan taminlanishi zarur. 
Sifatni shakillantirish ko’p jihatdan ishlab chiqarish va mehnatni ilmiy 
tashkil etishga bog’liq. Mehnatni ilmiy tashkil etishning asosiy vazifasi 
ishchilar uchun sanitar-gigiyenik sharoitlarni yaratish, ishchi kuchidan 
oqilona foydalanish imkoniyatini yaratish, ish vaqtidan samarali foydalanish 
ta`minlashdan iborat. 
Sifatni oshirishga ta`sir etuvchi omillardan yana biri ishlovchilarning 
bilim va malaka darajasi hisoblanadi. har bir ishchi texnika vositalaridan 
bilimdonlik bilan foydalanishlari, mehnatlari va shu orqali bajarayotgan ishlar 
sifatini yaxshilashga erishishlari lozim. 
Ushbu vazifani hal etish uchun ishchilarni malaka darajasini oshirish, 
sifatni yaxshilashga moddiy va ma’naviy rag’batlantirish tizimini 
takomillashtirish, ya`ni ularning mahsulot sifatini oshirishdan 
manfaatdorligini oshirish zarur. 
Demak, ishlab chiqarilayotgan mahsulot sifati ishlab chiqarishni tashkil 
etuvchi elementlar - ishlab chiqarish vositalari, buyumlari va ishchi 
kuchidan omilkorlik bilan foydalanishga bog’liq ekan. Ishlab chiqarish 
madaniyati ham mahsulot sifatiga ijobiy ta`sir ko’rsatuvchi omillardan 
hisoblanadi. Ma`lumki, korxonalar faqat mahsulot ishlab chiqarish bilan 
cheklanib qolmay, turli xarakter va turdagi xizmatlarni ham ko’rsatadi. 
Aholiga maishiy xizmat ko’rsatuvchi korxonalar ham shular 
jumlasidandir. Aholiga xizmat ko’rsatish jarayoni xususiyatlaridan kelib 
chiqib, xizmat ko’rsatish sifatini oshirishni ham 2 tomondan ko’rib chiqish 
lozim: 
1. xizmatlarni ishlab chiqarish sifati; 2. xizmat ko’rsatish sifati. 
Xizmat ko’rsatish sifatini oshirishga ta`sir etuvchi omillarga korxonani 
samarali joylashtirish, rasional ish tartibini yo’lga qo’yish, xizmat ko’rsatishda 
mijozlarga maksimal qulayliklar yaratish maqsadida progressiv formalaridan 
foydalanishni tashkil etishni kiritish mumkin. 
Xizmat ko’rsatish madaniyatini oshirish xizmat ko’rsatish sifatini 
oshirishning muhim yo’llaridan biri hisoblanadi. Xizmat ko’rsatish madaniyati 
xodimlarning mijozlar bilan muloqot etikasida, korxonani jihozlash 
estetikasida namoyon bo’ladi.