Q. Y. MƏMMƏdov m. M. İSmayilov b I t k I Ç İ L i K

Növbəli əkində yeri.
Yemçilik növbəli əkinlərində gülül digər bitkilər üçün yaxşı sələfdir. 
Gülül + vələmir qarışığından sonra tarla alaq otlarında təmiz qalır və torpaq azotla zənginləşir.
Gülül payızlıq dənli bitkilər və yazlıq cərgəarası becərilən bitkilərdən sonra əkildikdə daha 
yaxşı nəticə verir. Köklərində yaşayan fır bakteriyalarının hesabına torpağı azotla zənginləşdirir. 
Buna görə də əlverişli sələf hesab olunur.
Gülüldən sonra növbələnmiş pambıq əkinlərində məhsuldarlıq hektardan 2-3 sentner artır. 
Qarğıdalı bitkisinin də hektardan yaşıl kütlə və dən məhsuldarlığı gülüldən sonra xeyli artır. 
Torpağın becərilməsi.
Gülül və onun digər bitkilərlə qarışıq əkinləri üçün torpağın 
becərilməsi yazlıq bitkilərdə olduğu kimidir. Sələf bitkisindən sonra sahə üzlənir, sonra ön 
kotancıqlı kotanla 20-25 sm dərinliyində şum qaldırılır. Yazlıq səpinlər üçün nəzərdə tutulmuş 
sahələr payızdan dondurma şumu edilməlidir. Yazda malalama aparılır, kultivasiya çəkilərək 
yenidən malalanır.
Gübrələmə. 
Yazlıq gülül becərilən bütün bölgələrdə üzvi gübrə verildikdə ot məhsuldarlığı 
kəskin artır. Gülül və vələmir-gülül qarışığı fosfor və kalium gübrələrinə yaxşı reaksiya göstərir. 
Fosfor gübrəsini sahəyə hissə-hissə verdikdə (dondurma şumu altına, səpinqabağı və vegetasiya 
müddətində) bitkinin quru ot məhsuldarlığı hektardan 8-10 sentner artır. Fosfor fır bakteriyalarının 
fəaliyyətini artırır və azotun mənimsənilməsini sürətləndirir.
Molibden gübrəsinin tətbiq olunması yazlıq gülülün ot məhsuldarlığını əhəmiyyətli dərəcədə 
artırır. Gübrə verən zaman gülülün yerüstü kütləsində proteinin miqdarı artır.
Səpin.
Səpinə yaxşı hazırlanmış sahə üçün tarla cücərmə qabiliyyəti 95% olan toxumlar 
götürülməlidir. Yaxşı olar ki, toxumun təmizliyi 98%-dən aşağı olmasın. Səpin üçün iri toxumlar 
seçilməlidir. Səpindən qabaq toxumlar rizotorfin (nitragin) preparatı və molibdenlə işlənilməlidir.
Səpin cərgəvi üsulla aparılır. Cərgə araları 7,5; 15; 30 sm götürülür. Səpin norması hektara 
70-100 kq olmalıdır. Vələmir və çovdarla qarışıq əkildikdə toxum normalarının nisbətindən asılı 
olaraq yemdə proteinin miqdarı dəyişir.
Gülülün toxum normasının proteinin miqdarı 
Vələmir toxumuna nisbəti sen./ha 
1:1
3,75 
2:1
5,32 
3:1
5,76 
Yüksək yem vahidi əldə etmək üçün gülülün toxum norması vələmirə nisbətən daha çox 
olmalıdır.
Gülül əkinləri o qədər də güclü qulluq tələb etmir. Gülülün qarışıq əkinləri alaq otlarını yaxşı 
məhv edir. 
Ən çox yayılmış zərərvericiləri yonca sovkası, noxud mənənəsi, çəmən kəpənəyi, yonca uzun 
burunu və s.-dir. Mübarizə məqsədilə kimyəvi preparatlardan istifadə olunur.
Xəstəliklərdən ən çox pas, unlu şeh, bakterioz, askaxitoz, pernosporioz və s.-dir. Mübarizə 
tədbiri yonca bitkisində olduğu kimidir.