Mühazirə müəllimi: Dos. H. H. Həsənov
Yüklə 2,21 Mb. Pdf görüntüsü
|
| KitabYurdu.az
64 müştərilərə düz bir ildən sonra televizorlar üçün ödənilən bütün pullar geri qaytarılacaq. Təbii ki, belə təklif alıcıların ciddi marağına səbəb oldu. Şirkət külli miqdarda televizor satışına nail oldu. Bir ildən sonra yapon firması söz verdiyi kimi satdığı bütün televizorların pulunu müştərilərə geri qaytardı. Amma fərq nədən ibarət idi: keçən il həmin pula bir televizor almaq mümkün idisə, bir ildən sonra, yəni müştərilərə alınmış televizorların keçən ilki dəyərini ödəyəndə, bu məbləğə bir uşaq oyuncağı almaq belə mümkün deyildi. Inflyasının bir illik tempini proqnozlaşdıran şirkət bu əməliyyatda çox qazandı. 1923-cü ildən qalma inflyasiya ilə bağlı məşhur bir fotoşəkil var. Böyük bir at arabasıdır, kiçik bir vergi məbləğinin ödənməsini həyata keçirmək üçün arabaya küli miqdarda pul yığıb aparırlar. O qədər pul yığılmışdır ki, onu sadəcə əl ilə hər hansı bir çantada və ya torbada daşımaq mümkün deyildir. Təsəvvür etmək çətindir ki, Almaniyada 1923-cü ildə qiymətlər 1913-cü ilə nisbətən 5 trilyon dəfə qalxmışdır. Sonrakı dövrlərdə də ayrı-ayrı ölkələrdə inflyasiyalar olmuşdur. Inflyasiyanın əsas mahiyyətinin açılması və onunla səmərəli mübarizə aparmaq üçün ilk növbədə onun səbəblərinin açılması olduqca vacibdir. Hər hansı xəstəliklə mübarizə aparmaq və onu müalicə etmək üçün ilk növbədə onun diaqnostikasını qoymalı və xəstəliyin səbəblərini aydınlaşdırmaq lazımdır. Başqa cürə xəstəliyi müalicə etmək mümkün deyildir. Inflyasiyanın da hər şeydən əvvəl səbəbləri açıqlanmalıdır. 1929-1933-cü illərin iqtisadi böhranından başlayaraq müasir dövr inflyasiyası ictimai istehsalın quruluşundakı qeyri-tarazlıqlarla səbəblənir. Onların ən mühümləri istehlakla yığım arasındakı, yığımla investisiya arasındakı, tələbin quruluşu ilə təklifin quruluşu, istehsal vasitələrinin istehsalı ilə istehlak mallarının istehsalı, sənaye ilə kənd təsərrüfatı, dövlətin gəlir və xərcləri, borc kapitalların mənbələrinin miqyasları ilə onlardan istifadə miqyasları və s., ən nəhayət əmtəə kütləsi ilə pul kütləsi arasındakı qeyri-tarazlıqdır. Yüklə 2,21 Mb. Dostları ilə paylaş:
|