Ijtimoiy dasturlar – aholining bevosita turmush sharoiti va farovonligini ta`minlashga
xizmat qiluvchi soha va tarmoqlarni rivojlantirishga oid chora-tadbirlarni o`z ichiga olgan rejaviy
hujjatlar.
Soliqlar – davlat byudjeti yoki mahalliy byudjetlarga jismoniy yoki yuridik shaxslar
tomonidan tovar va xizmatlarni ishlab chiqarganlari uchun yoki ishlab chiqarish omillaridan
foydalganliklari uchun majburiy to`lovlar.
Unifikatsiya – turli xildagi mahsulotlar, detallar, uzellar va boshqa qo`llaniladigan
materiallar va texnologik jarayonlarni ratsional jihatdan bir xilligini ta`minlash.
Soliqlarni unifikatsiya qilish – soliq mexanizmini soddalashtirish maqsadida iqtisodiy
mohiyati, soliqqa tortish ob`ekti o`xshash bo`lgan soliq turlarini birxillashtirish.
Soliq imtiyozi – soliq to`lovchilarning ayrim toifalariga qonun hujjatlarida belgilangan
tartibda soliq to`lashdan to`liq, qisman va vaqtincha ozod qilish shakli.
Preferentsiya – iqtisodiyotni maqsadga muvofiq rivojlantirish va tartibga solishda ayrim
soha va tarmoqlar, korxona va ishlab chiqarish turlariga nisbatan beriluvchi imtiyoz, afzallik va
ustuvorliklar.
Soliq krediti – byudjetga to`lanishi lozim bo`lgan soliq summasini ma`lum muddatga
kamaytirish, kechiktirish, bo`lib-bo`lib to`lash yoki soliqni qaytarish shakli.
Soliq solishning soddalashtirilgan tartibi – soliq solishning ayrim toifadagi soliq
to`lovchilar uchun belgilanadigan hamda ayrim turdagi soliqlarni hisoblab chiqarish va
to`lashning, shuningdek ular yuzasidan soliq hisobotini taqdim etishning maxsus qoidalari
qo`llanilishini nazarda tutuvchi alohida tartibi.
Soliq stavkasi – soliqlarni hisoblashda soliq bazasining har bir birligi hisobiga to`g`ri
keladigan soliq me`yorini ifodalaydi.
