Ar elde Eru carne coirie ómu anelde qualini mi ongweldar ar úcareldar, 2 yassen vantanelde yá, randa sino lénen, i lé i turo ye same túre or i vilya, i faire ya sí mole i yondossen *canwaraciéno. 3 Mici té yando elve yá lenganer hrávelvo milminen, cárala i hráveo íri ar sanwi, ar nassenen anelve rúşeo híni, ve náner yando i exi. 4 Mal Eru, nála alya mi oravie, túra melmeryanen yanen méles vi, 5vi-carne coirie as i Hristo, yando íre anelve qualini ongwelissen. Lissenen anaielde rehtaine, 6 ar vi-ortanes uo ar láver ven mare uo i meneldie nómessen, mi Hristo Yésus. 7 Sie, i túlala randassen, lisseryo lahtala lar nauva tanaina i lénen yanen anaies nilda ven mi Hristo Yésus.
