Híni, na *canwacimye nostaruldant i Herusse, an ta faila ná. 2 “Á anta alcar atarelyan ar amillelyan” – ta ná i minya axan ya same vanda: 3 “návelyan herenya ar samieldan anda coivie cemende”. 4 Ar elde, atari, áva tyare nyére hínaldain, mal áte orta mí Heruo paimesta ar peantie.
5 A móli, na *canwacimye in nar heruldar i hrávesse, mí rucie yo palie, et quanda endallo, ve i Hriston 6 – lá ve hendunúror, ve qui fastien atani, mal ve Hristo móli, cárala Eruo indóme holmo. 7 Na móli i molir mérala sámanen, ve i Herun ar lá atanin, 8 an istalde i ilquen, qui caris *aiqua mára, nancamuva carda sina i Herullo, lá címala qui náse mól hya léra. 9 Ar a heruvi, cara i imye nati tien. Á pusta quete *lurwi, an istalde i elde ar té véla samir Heru menelde, ar sé ua cime cendeler.
