319
Stress –
(inglizchada stress – tazyiq ko‘rsatish, zo‘riqish degan
so‘zdan olingan)
psixologik ta’rifga ko‘ra, affektiv holatga yaqin
turadigan, lekin boshdan kechirilishining davomliligiga ko‘ra
kayfiyatlarga yaqin bo‘lgan his-tuyg‘ular boshdan kechirilishining
alohida shakli ya’ni, hissiy zo‘riqishdir
Sublimatsiya
– idning impulslari ijtimoiy ma’qul faollikka
yo‘naltiriladigan o‘rin almashtirish shaklidir.
So‘rov metodi
– psixologiyaning barcha tarmoqlarida birlamchi
ma’lumotlar to‘plashning an’anaviy usullaridan biri bo‘lib, unda
sinaluvchi tekshiruvchining savollariga javob berishi kerak bo‘ladi.
Tabiiy eksperiment
– kuzatish va laboratoriya eksperimenti
metodi o‘rtasida turadi. Tabiiy eksperimentda tekshiruvchi kishining
o‘zi tekshiriladigan kishida yoki kishilarda psixik jarayon (masalan,
xotira, diqqat, tasavvur) hosil qilish yoki tekshiriladigan kishilarda
individual xususiyatlarni namoyon etish uchun maxsus sharoit
tug‘diriladi.
Talant –
(yunon. «talanton» – qimmatbaho, noyob narsa, irsiy,
tabiiy xislat)
muayyan faoliyatning muvaffaqiyatli va ijodiy ravishda
bajarilishini ta’minlaydigan qobiliyat hamda iste’dodlar majmuasi-
dir.
Tafakkur –
atrof-muhitdagi voqelikni nutq yordamida bilvosita,
umumlashgan holda aks ettiruvchi psixik jarayon bo‘lib, u ijtimoiy
sababiy ichki bog‘lanishlarni anglashga, yangilik ochishga va bashorat
qilishga yo‘naltirilgan aqliy faoliyatdir. Qachonki muammoli vaziyat
paydo bo‘lganda tafakkur ishga tushadi.
Temperament
(lot. «temperamentum» – aralashma) –
shaxs
faoliyati va xulqining dinamik (o‘zgaruvchan) va emotsional-
hissiy tomonlarini xarakterlovchi, biologik shartlashgan individual
xususiyatlar majmuidir.
Test metodi
– (ing. sinash, tekshirish)
biror o‘rganilayotgan hodisa
xususida ham sifat, ham miqdor xarakteristikalarini olish hamda
ularni ko‘pchilikda qayta-qayta sinash va ma’lumotlarni korrelyasion
analiz orqali ishonchlilikni tekshirishda ham ishlatiladi.
Dostları ilə paylaş: 
