1-МAVZU: PEDAGOGIKA FANI, UNING PREDMETI, METODOLOGIYASI, ILMIY-TADQIQOT OB’EKTI, METODLARI. RIVOJLANISHNING ASOSIY QONUNIYATLARI. MASHG’ULOT REJASI: 1.1. “Ta’lim to’g’risida”gi Qonun. 1.2. Ta’limning uzviyligi va uzluksizligi. Uzluksiz ta’lim. 1.3. Pedagogika fani, uning predmeti, metodologiyasi, ilmiy-tadqiqot obekti, metodlari. 1.4.Pedagogik antropologiya. 1.5.Shaxs va uning rivojlanish qonuniyatlari. 1.6. Xorijiy mamlakatlarda boshlang’ich ta’lim-tarbiya tizimi yuzasidan qisqacha izoh.
Tayanch so’zlar: pedagogika, maqsad, vazifa, ob’yekt, predmet, kategoriya, pedagogikaning sohalari, pegagika fani metodologiyasi, ilmiy-tadqiqot metodlari. “Bizning asosiy maqsadimiz – yoshlarning sifatli ta’lim olish imkoniyatiga ega bo’lishiga erishish, ularning o’z qobiliyati va iste’dodini ro’yobga chiqarish uchun barcha zarur sharoitlarni yaratib berishdan iborat”. Sh.M.Mirziyoyev
1.1“Ta’lim to’g’risida”gi Qonun. .Mamlakatimizda Ta’lim to’g’risidagi Qonun dastlab 1992 yilda qabul qilingan bo’lsa , 1997 yil 29-avgustda da esa yangi tahrirdagisi qabul qilingan edi.
2020 yil 23 sentabrda qabul qilingan “Ta’lim to‘g‘risida”gi Qonunda ta’lim sohasida hozirgi davrdagi amalga oshirilgan islohotlar o‘z aksini topdi.
Qonun loyihasini takomillashtirish davomida 238 ta norma va qoida qayta ko‘rib chiqildi, idoraviy normativ-huquqiy hujjatlarni qisqartirish imkoniyatidan foydalangan holda 123 ta norma loyiha tarkibidan chiqarildi hamda 54 ta to‘g‘ridan-to‘g‘ri amal qiluvchi modda bilan almashtirildi. Shuningdek, ma’muriy byurokratik mexanizmga doir 7 ta modda butunlay chiqarib tashlandi.
Mazkur Qonunda ushbu yangi norma va qoidalar o‘z aksini topishi natijasida qonun 11 bob va 75 moddadan iborat tartibda ishlab chiqildi.
“Ta’lim to‘g‘risida”gi Qonunning mazmun-mohiyati Ushbu Qonun bilan jinsi, irqi, millati, tili, dini, ijtimoiy kelib chiqishi, e’tiqodi, shaxsiy va ijtimoiy mavqeidan qat’i nazar, har kimga ta’lim olish uchun teng huquqlar kafolatlanadi.
Ta’lim turlari quyidagilardan iborat: • maktabgacha ta’lim va tarbiya;
• umumiy o’rta va o’rta maxsus ta’lim;
• professional ta’lim;
• oliy ta’lim;
• oliy ta’limdan keyingi ta’lim;
• kadrlarni qayta tayyorlash va ularning malakasini oshirish;
• maktabdan tashqari ta’lim.
Umumiy o’rta ta’lim I–XI sinflarni o’z ichiga oladi.
O’rta maxsus ta’lim akademik litseylarda 9 yillik tayanch o’rta ta’lim asosida 2 yil mobaynida amalga oshiriladi.
