Didaktik oyunlar. Bu üsulun tətbiqi zamanı müxtəlif problem-şəraitlər, əyləncəli situasiyalar yaratmaqla şagirdlərə çıxış yolunu tapmaq təklif olunur. Bu üsula bəzən “qaydalı oyunlar” da deyilir. Didaktik oyunlar bu funksiyaları yerinə yetirir:
idrak prosesləri fəallaşdırır,
qabiliyyətləri inkişaf etdirir,
uşaqları qaydalara əməl etməyə alışdırır;
uşaqlarda diqqət və maraqlar tərbiyə edir,
bilik və bacarıqları möhkəmləndirir.
Didaktik oyunların növləri:sujetli oyunlar, oyun-tapşırıqlar, Dramatikləşdirilmiş oyunlar, Quraşdırma oyunları
5. Dərslik və kitab üzərində müstəqil iş üsulu Müəllimin təlim tapşırığını şagirdin əqli və əməli fəaliyyət göstərərək, bunun üçün xüsusi olaraq ayrılmış vaxtda, bilavasi-tə kömək olmadan yerinə yetirməsinə şagirdlərin müstəqil işləri deyilir.
Müstəqil işlərin əlamətləri:
müəllimin bilavasitə iştirakı və kənar şəxlərin köməyi olmadan şagirdlərin müstəqil işləməsi;
əsasən, müəllim tərəfindən müəyyən edilmiş tapşırığın olması;
tapşırığın yerinə yetirilməsi üçün müəyyən vaxtın ayrılması; -
müstəqil iş zamanı şagirdin təlim çətinliklərini aradan qaldırmaq üçün əqli və fiziki gərginlik keçirməsi; -
müstəqil iş zamanı şagirdlərin ümumi inkişafının təmin edilməsi və tərbiyə məqsədlərinin həyata keçirilməsi;
