Müvafiqlik prinsipi Müvafiqlik prinsipi təlim prosesində şagirdin materialı dərk edə bilməsi, bilik, bacarıq və vərdişlərin öhdəsindən gələ bilməsi üçün uşağın inkişaf səviyyəsini nəzərə almağı tələb edir.Müvafiqlik prinsipinin həyata keçirilməsi üçün zəruri olan qaydalar:
- öyrənilməsi nəzərdə tutulan bütün nə varsa yaş mərhələlərinə müvafiq olaraq elə bölüşdürülməlidir ki, başa düşülən, hər yaş dövründə qavranıla bilən olsun; - təlim zamanı şagirdlərin yaş xüsusiyyətlərini nəzərə alınmalı, təlimin məzmunu və yolları onların inkişafını bir qədər qabaqlasın; - təlim zamanı şagirdlərin hazırlıq və inkişaf səviyyəsini nəzərə alınmalı, öyrədən zaman onların imkanlarına istinad edilməlidir.- tədris prosesini optimal sürətdə qurmaq lazımdır, amma güclü şagirdləri ləngitməməli, orta və zəif şagirdlərin fəaliyyətini inkişaf etdirilməlidir; - yeni və mürəkkəb materialı öyrədən zaman “güclü” şagirdləri, həmin materialı möhkəmləndirən zaman isə “orta” və “zəif “şagirdləri işə cəlb etməlidir. Müvafiqlik heç də asan təlim etmək deyil və müəllimin funksiyası heç də müstəqil bilik əldə etmək, onu dərk etmək və mənimsəmək üçün şagirdlərin əməyini daim yüngülləşdirməkdən ibarət deyil: kömək etmək, istiqamətləndirmək, aydın olanın köməyi ilə aydın olmayanı açıb göstərmək, müstəqil təhlil üçün kiçik bir yol açmaq-bütün bunlar müvafiq təlimdə adi iş tərzidir.
