2. Dərslərin tipləri və quruluşu Hər bir dərsin əsas və yardımçı məqsədləri olur. Dərsin tipi və buna müvafiq olaraq quruluşu dərsin əsas məqsədi ilə müəyyən edilir. Ümumitəhsil məktəblərində aşağıdakı dərs tiplərindən istifadə olunur:
Mürəkkəb, yaxud qarışıq dərs Mürəkkəb,yaxud qarışıq dərs tipinin bir neçə didaktik məqsədi ola bilir. Bu dərs tipinin quruluşu, təxminən, bu cürdür: - Sinifin təşkili. Ev tapşırığının yoxlanması. Keçmiş mövzunun soruşulması. Yeni mövzunun öyrənilməsinə hazırlıq. Yeni mövzunun izahı. Yeni mövzunun möhkəmləndirilməsi. Ev tapşırığı və qiymətləndirmə.
Yeni bilik verən dərs Bu tip dərslərin quruluşu, təxminən, belədir: -Sinfin təşkili. Yeni materialın şüurlu mənimsənilməsinə kömək edəcək biliklərin təkrarı. Dərsin mövzu və məqsədinin izahı. Yeni materialın öyrənilməsi.Yeni bilklərin ilkin möhkəmləndirilməsi. Ev tapşırığı və qiymətləndirmə.
