Pedaqogikanın ümumi əsasları Plan

Qiymətləndirməyə bir sıra tələblər verilir:

- qiymətləndirmə fərdi olmalıdır;

- qiymətləndirmə müntəzəm olmalıdır;

- qiymətləndirmə zamanı biliklərin, bacarıq və vərdişlərin həm kəmiyyəti, həm də keyfiyyəti nəzərə alınmalıdır;

- təlim müvəffəqiyyətinə verilən qiymətlər, düzgün, obyektiv və ədalətli olmalıdır.

- qiymətləndirmə müəyyən sənədlərlə əks olunmalıdır.

• Qiymətləndirmə meyarları - qiymətlərin fərqləndirilməsin-dən ötrü rəqəmlə ifadə edilən ölçülərdir. "Meyar" ərəb sözüdür - fərqləndirmə nişanı, ölçü, miqyas mənasında işlədilir. Müasir dövrdə təhsil sistemində aparılan islahatlarla bağlı qiymət meyarları da müəyyən dəyişikliklərə uğramışdır. Məktəbin tipindən, mülkiyyət formasından asılı olaraq, ayrı-ayrı məktəblərin Nizamnamələrinə əsasən 5 ballı, 20 ballı, 100 ballı qiymət meyarları sistemindən istifadə olunur.

“Qiymətləndirmə Konsepsiyası”na əsasən məktəbdaxili qiymətləndirmə növləri müəyyən edilmişdir:

• 
  diaqnostik
  
• 
  formativ
  
• 
  summativ
  

Diaqnostik qiymətləndirmə (ilkin səviyyənin qiymətləndirilməsi) təlimin hər hansı bir mərhələsində şagirdin bilik və bacarıqlarının ilkin səviyyəsinin müəyyənləşdiril­mə­si­nə və bu əsasda hər bir şagirdin potensial imkanlarını nəzərə alan təlim strategiyala­rı­­nın secilməsinə xidmət edir.