Pán: Botanika

Sabaqta qollanılatuǵın metodlar: mini lekciya, soraw juwap, refleksiya, kishi toparlarda islesiw, vena - digramma

Sabaqtı qurallandırıw: Kóp kletkalı suw otlar gerbariy úlgileri, tarqatpa materiallar, plakatlar, kadaskop

Sabaqtıń blok sxeması:

I	Shólkemlestiriw	2 minut
II	Úyge tapsırmanı soraw	12 minut
III	Taza temanı túsindiriw	13 minut
IV	Taza temanı bekkemlew	13 minut
V	oqıwshılardı bahalaw	3 minut
VI	Úyge tapsırma beriw, juwmaqlaw	2 minut

Sabaqtıń barısı.

I. Shólkemlestiriw.

Klass tazalıǵın hám oqıwshılar qatnasın barlayman.

Sabaqtıń altın qaǵıydaları

1. Dıqqat penen tıńlaw

2. Sabaqqa belsene qatnasıw.

3. Dostıńnıń pikirin tıńlaw.

4. Dáslep oylan soń ayt.

5. Oń qol qaǵıydası.

6. Tártipti saqlaw.

II. Úyge tapsırmanı soraw.

Bir kletkalı suw otları

Bunda oqıwshılardıń túsiniklerin biliw maqsetinde toparlaǵa bólip metaplan kartochkalarda jazılǵan sorawlardı tarqataman. Tayarlanıw ushın 1 minut. Soń hár bir topardıń juwapları tıńlanadı. Hár bir topar ushın 1 minut, eger nadurıs bolsa basqa topar tolıqtırsa boladı. Barlıq topar jumısları tıńlanıp bolǵannan keyin muǵallim juwmaqlastıradı.

1- topar

Suw otları haqqındaǵı pán?

2- topar

Bir kletkalı suw otlarına neler kiredi?

3- topar

Bir kletkalı suw otları qalay kóbeyedi?

4- topar

Bir kletkalı suw otlarınıń tábiyatta hám adam turmısında áhmiyeti?

III. Taza tema túsindiriw:

Tema: Kóp kletkalı suw otları.

Kóp kletkalı suw otları dushshı suwlarda kóbirek jasaydı. Olarǵa ulotriks, spirogira, xara, kladafora kiredi. Olardıń kletkasın mikroskoptan qarasań kletka qabıǵı, citoplazma, yadro, xromotofordan turadı. Xromotofor fotosintez procesi ushın kerek, qabıǵı qorǵaydı, yadro kóbeyiwi ushın kerek. Kóp kletkalardıń jabayı túri xara. Olardıń tamırı joq tamırınıń ornına rizoidları boladı. Olardıń suwda qalqıp jasaytuǵın túri spirogira. Kladafora suw otınan qaǵazlar tayarlanadı cuw otların úyrengen ilimpaz algolog. Suw otların úyretetuǵın pándi algologiya dep ataydı. Ózbekstanda algolog Muzaffarov.

IV.Taza temanı bekkemlew:

1-tapsırma:

Oqıwshılardı bir, eki sanaq tárizde toparǵa bólinedi. Soń eki topar aylana tárizde bir birlerine qaratıp otırǵızaman. Bir birine qarap otırǵan oqıwshılar ótigen taza tema boyınsha maǵlıwmat aytısadı. Soń sırtqı aylanada otırǵan oqıwshılar turıp bir stulchik jılısıp otıradı hám ekinshi oqıwshı menen maǵlıwmat aytısadı. Sol tárizde burınǵı otırǵan stulchigine kelgenshe dawam etedi.

2- tapsırma:

Kóp kletkalı suw otlarınıń wákilleriniń uqsaslıq ayırmashılıqların hár bir topar ven-diagrammada beriledi.

1- topar kop kletkalı suw otları ulotriks haqqında túsinik beredi.

2 - topar spirogira haqqında túsinik beredi.

3- topar kladafora haqqında túsindirip beredi.

4-topar xarra haqqında túsindirip beredi. 

Sizler bilesiz be? Qızıqlı maǵlıwmatlar!

• 
  Suw otları fotosintez waqtında kislorod bólip shıǵaradı.
  
• 
  Suw otları adamlar ushın awqatlıw retinde paydalanıladı.
  
• 
  Suw otları tógin retinde paydalanıladı.
  
• 
  Suw otları biologiyalıq aktiv zatlar hám dárilik preparat retinde paydalanıladı.
  

V.Baqalaw:

Ú yge tapsırmaǵa tayarlanıp kelgen hám sabaq barısında jaqsı qatnasıp sorawlarǵa jaqsı juwap bergen oqıwshılardı - 5, -4, -3 bahaları menen bahalayman.

VI.Úyge tapsırma beriw:

Kóp kletkalı suw otları temasın oqıp túsinigin aytıp beriw. Tema sońındaǵı 5 sorawǵa juwap jazıń.