Tədqiqatın klinik muayinəsi. Fiziki inkişafın xüsusiyyətlərini qiymətləndirmək üçün bütün qadınlarda boy, çəki göstəriciləri, döş qəfəsinin çevrəsi (DQÇ), qolların açılmış vəziyyətdə məsafəsi (QAM), aşağı ətrafların uzunluğu (AƏU), çiyinlərin eni (ÇE), çanağın xarici ölçüləri təyin edilmişdir.
Ultrasəs müayinəsi.Tədqiqatlara daxil olan postmenopauzal dövrdə olan bütün qadınlarda transvaginal ötürücü ilə ultrasəs müayinəsi aparılmışdır. Ultrasəs müayinəsi vasitəsilə uşaqlığın ölçüsü, endometriumun qalınlığı, yumurtalıqların ölçüsü təyin edilmişdir. USM Almaniya istehsalı olan Alpinion E-Cube 15 Platinum aparatında aparılmışdır. Postmenopauzal dövrdə olan hiperandrogeniyalı qadınlara reproduktiv orqanların exoqrafik göstəriciləri bu dövrdə olan və hiperandrogeniyası olmayan qadınların göstəriciləri ilə müqayisə edilmişdir
