Qanın biokimyəvi müayinəsi. Postmenopauzal dövrdə olan bütün qadınlarda karbohidrat mübadiləsinin göstəriciləri, o cümlədən qlükoza, insulin acqarına və oral qlükoza tolerant sınaqdan sonra miqdarı təyin edilmişdir.
Klinik materialın statistik işlənməsi. Aparılan tədqiqat zamanı alınan nəticələr statistik işlənməyə məruz qalmışdır. Qrup göstəriciləri variasiya sırasında yerləşdirilmişdir. Hər qrup üçün riyazi qiymət (m), orta riyazi qiymətin orta kvadratik meyli (λ 2), onun standart xətası (Se), eyni zamanda sıraların minimal (min) və maksimal (max) qiymətləri müəyyən olunmuşdur.
Qruplarda və yarımqruplarda kəmiyyət göstəriciləri qeyri-parametrik üsul olan U (Uilkokson-Mann-Uitni) meyarı tədbiq edilməklə təyin edilmişdir. Əsas və müqayisə qruplarında araşdırılan paramterlər arasında əlaqənin qabarıqlığını təyin etmək üçün K.Pirson tərəfindən təklif olunmuş, assosiasiya əmsalı və ya əlaqəninin tetraxorik göstəricilərindən istifadə olunmuşdur. Statistik işlənmə orta qiymətin parametrik və qeyri-parametrik üsullarla hesablanması üçün nəzərdə tutulmuş “Statgraph” proqramı tətbiq edilmişdir.
Dostları ilə paylaş: |
