| Görmə duyğusu. Bu duyğu rənglərin və işığın əksindən ibarətdir. Biz iki cür rəngi duyuruq: xromatik (qırmızı, yaşıl, göy, sarı və s.) və axromatik (ağ, qara, boz).
Görmə duyğularının reseptorları gözün torlu qişasında yerləşir. Burada iki cür hüceyrələr: çöpcüklər və kolbacıqlar mövcuddur. Çöpcüklər işığı, kolbacıqlar rəngləri duyma orqanıdır. Çöpcüklər pozulduqda toyuq korluğu, kolbacıqlar pozulduqda isə yarasa korluğu baş verir.
Eşitmə duyğusu. Bu duyğular səslərin əks olunmasından ibarətdir. Eşitmə duyğusu dəyişən hava dalğalarının eşitmə analizatoruna təsiri nəticəsində əmələ gəlir. Qulağa təsir edən dalğa aşağı və yuxarı təzyiq kimi əlamətləri ilə xarakterizə olunur. Dalğaya xas olan bu cəhətlər səsin ucalığını, gurluğunu və tembrini yaradır. Səsin ucalığı dalğanlın tezliyi, gurluğu, dalğanın amplitudası, tembiri isə dalğanın formasından asılıdır. İnsan qulağı saniyədə 20-dən 20 000-ə qədər hersə bərabər olan səsləri eşidə bilir. Hers səsi əmələ gətirən dalğanın tezliyinin fiziki ölçü vahididir.
Dostları ilə paylaş: |
