Q. Y. MƏMMƏdov m. M. İSmayilov b I t k I Ç İ L i K

 
Becərilmə texnologiyası.
Növbəli əkində 
saflor tez-tez payızlıq buğda və qarğıdalıdan sonra 
yerləşdirilir. Saflor özü yazlıq taxıllar üçün gözəl 
sələf hesab edilir. 
Saflor xüsusən nəmlik çox düşən illərdə azot-
fosfor gübrəsinin verilməsinə tələbkardır. 
Torpağın becərilməsi günəbaxan bitkisində 
olduğu kimidir. Alaqlarla zibillənmiş torpaqlarda 
üzləmə aparıldıqdan sonra dərin şum qaldırılması 
yaxşı nəticə verir.
Səpin üçün saflor toxumlarının təmizliyi 
95%-dən, cücərmə qabiliyyəti isə 85%-dən aşağı olmamalıdır. 
Saflor erkən yazda yazlıq buğdalarla eyni vaxtda səpilir. 
Daha çox yayılmış səpin cərgəarası 45 sm olan gencərgəli üsuldur. Səpin norması hektara 10-
12 kq, torpağın nəmliyindən asılı olaraq toxumların basdırılma dərinliyi isə 5 sm-dən 8-sm-ə 
qədərdir. 
Əkinlərə qulluq işləri cücərtilər alındıqdan sonra cərgələrin köndələninə malalama 3-4 dəfə 
cərgə aralarının becərilməsindən ibarətdir. 
Saflorun toxumu tam yetişdikdən sonra birbaşa uyğunlaşdırılmış taxıl kombaynları ilə yığılır.
 
 
Şəkil 38. 
Saflor - 1, 2 - bitki cücərti 
və çiçəkləmə fazasında; 3 – üzərində 
yarpaq və çiçək qrupu olan budaq;
4 – çiçək; 5 – yetkin çiçək qrupu;
6 – meyvə. 

---

258 
21.1.9. Yağçiçəyi 
Əhəmiyyəti.
Yağçiçəyinin (kürəncə) toxumunda 40-46% yağ vardır. Bu yağdan əsasən 
texniki məqsədlər üçün lak-boyaq və sabunbişirmə sənayesində istifadə olunur. Yağçiçəyi yağının 
dad keyfiyyəti elə də yüksək deyildir. Ərzaq məqsədilə yalnız təzə yağdan istifadə etmək olar. 
Saxlama zamanı o tez acıyır.
Yağçiçəyinin cecəsi konsentratlı yemdir. Hər sentnerində 115 yem vahidi vardır. Heyvanları 
onunla az miqdarda yemləmək olar. Ona görə ki, tərkibində çoxlu miqdarda qlükozid olduğundan 
istifadəsi təhlükəlidir.
Yağçiçəyi əsasən Rusiya ərazisində (Qərbi və Şərqi Sibirdə, Başqırdıstanda və s.) yazlıq bitki 
kimi becərilir.