Fitosenoz (fito-bitki, senoz-qrup, cəmiyyət) – bitki qrupu. Təbii fitosenoz – davamlı
çoxnövlü bitki qrupu.
Generativ dövr – qönçələmə fazasının başlanğıcından toxumun tam yetişməsinə qədər olan
dövr.
Generativ indeks – generativ dövrün davamlılığının vegetativ dövrün davamlılığına nisbəti.
Xam məhsul – mövcud məhsulun təsərrüfatda (rayon, vilayət, ölkə) ümumi istehsalı (dən,
kartof).
Xora – biçildikdən yaxud otarıldıqdan sonra bitkinin yerüstü hissəsinin inkişafı (zoğ əmələ
gəlməsi).
Kövşən (kövşənlik) – taxıl biçən maşınla yaxud kombaynla, biçindən sonra kök üzərində
saxlanılan dənli bitkilərin gövdələrinin aşağı hissəsi.
Kövşənlik bitkiləri – növbəli əkinlərdə dənli bitkilərin yığımından sonra səpilən bitkilər.
Qarışıq səpin – iki yaxud bir neçə bitkilərin səpin qabağı toxumları qarışdırılır, yaxud eyni
tarlada iki dəfə bir-birindən asılı olmayaraq (müstəqil) səpin aparılır (ikinci bitki səpilən zaman
cərgələrin yerləşməsi və cərgə aralarının eni nəzərə alınmır).
Qeyri-müntəzəm mühit amili – insanın tənzimləyə bilmədiyi amillərin parametri.
Qida elementlərinin məhsulla aparılması - bir ton əsas və əlavə məhsulla (küləş və s.)
tarladan mineral qida elementlərinin aparılması.
Qida elementlərinin maksimal sərfi – vahid əmtəəlik məhsulun yaranmasında iştirakı edən
qida elementlərinin ən çox miqdarı.
Qismən tənzimlənən amillər – məhdud ərazidə tənzimlənməsi mümkün olan yüksək enerji
tutumlu yaxud qeyri-kafi səmərəli aqrotexniki üsullar, amillər (fitosenozda havanın nəmliyi və s.).
Qışadavamlılıq – qış dövründə bitkilərin kompleks əlverişsiz şəraitə dözməsi.
Laboratoriya cücərmə qabiliyyəti – hər bir bitki üçün dövlət standartına uyğun təyin
edilmiş, müəyyən dövr ərzində normal cücərti verən toxum faizlə.
