Qadınların ödənilməyən qayğı və məişət işinin dəyərləndirilməsi üçün əlverişli hüquqi və sosial mühütün yaradılmasına dəstək

Seçilmiş rayonların statistik xarakteristikası
Şəki, Qax, Zaqatala və Balakən rayonları Şəki-Zaqatala iqtisadi rayonuna daxildir. Bu iqtisadi rayonun ərazisi 8.84 kv.km təşkil edir ki, bu da ölkənin ümumi ərazisinin 10.2%-i deməkdir. DSK-nın 2019-cu ilin yanvarın 1-nə olan məlumatına əsasən bu iqtisadi zonada 621.4 min nəfər yaşayır ki, bu da ölkənin ümumi əhalisinin 6.2%-i deməkdir. 2019-cu ilin yanvarın 1-nə olan məlumata görə əhalinin sayı Şəki rayonunda 186.6 min (ölkə əhalisinin 1.9%-i qədər), Zaqatala rayonunda 128.7 min (1.3%-i), Balakən rayonunda 98.3 min (1.0%-i) və Qax rayonunda 56.9 min (0.6%-i) nəfər olub.

DSK-nın statistik məlumatları əsasında qurduğumuz 1-ci cədvəldə bu rayonların hər birində məşğul əhalinin, iqtisadiyyatla muzdla işləyənlərin sayı və işsiz statusu alanların sayı əks olunub. Cədvəldən göründüyü kimi, rayonlarda məşğul əhalinin çox az hissəsi – Qaxda 28.9%-i, Şəkidə 24.0%-i, Zaqatalada 23.1%-i, balakənəd isə 19.4%-i – muzdla işləyənlərdən ibarətdir. Buna rəğmən rayonlarda işsiz statusu almış şəxslərin sayının çox aşağı olması diqqəti çəkir (cədvəl 1).