Tadqiqot natijalarining eʼlon qilinganligi Dissertatsiya mavzusi boʼyicha jami 13 ta maqolalar chop qilingan boʼlib, ulardan 7 ta Oʼzbekiston Respublikasi OАK roʼyxatiga muvofiq keluvchi ilmiy jurnallardagi maqolalar, shundan 6 tasi xorijiy jurnalda chop qilingan. Dissertatsiya natijalari asosida 2 ta xalqaro va 4 ta respublika miqiyosida oʼtkazilgan konferentsiyalarda tezislar chop qilingan.
Dissertasiya mavzusining dissertasiya bajarilgan oliy taʼlim muassasasaning ilmiy-tadqiqot rejalari bilan bogʼliqligi. Dissertasiya tadqiqoti Toshkent kimyo-texnologiya institutida 2016 - 2020 yillarda bajarilgan ilmiy-tadqiqot ishlari rejasining, OT-F4-01 raqamli “Qovushqoq suyuqlik oquvchi koʼp qatlamli kompozit quvurlar egri chiziqli boʼlaklarning harorat va dinamik yuklanishlar tasirida chiziqli boʼlmagan dinamik kuchlanish-deformatsiya holatini oʼrganish usullarini ishlab chiqish va nazariyasini rivojlantirish” mavzusidagi fundamental ilmiy-texnikaviy loyihasi doirasida bajarilgan.
Tadqiqotning maqsadi dissipativ bir jinsli bo’lmagan va erkinlik darajasi chekli bo’lgan mexanik sistemalarni vibratsiyadan passiv va aktiv himoyalash metodikasi va algoritmini ishlab chiqishdan iborat.
Tadqiqotning vazifalari : - dissipativ bir jinsli bo’lmagan va erkinlik darajasi chekli bo’lgan mexanik sistemalarni vibratsiyadan passiv himoyalash masalasining qo’yilishi, yechish metodikasi va algoritmini ishlab chiqish;
- majburiy vibratsion ta’sirlar ostida bo’lgan dissipativ bir jinsli bo’lmagan va erkinlik darajasi chekli bo’lgan mexanik sistemalarni vibratsiyadan passiv himoyalash masalasining qo’yilishi, yechish metodikasi va algoritmini ishlab chiqish;
- dissipativ bir jinsli bo’lmagan va erkinlik darajasi chekli bo’lgan mexanik sistemalar xos tebranishlari masalasining qo’yilishi, yechish metodikasi va algoritmini ishlab chiqish;
- vibratsiyadan aktiv himoyalash nazariyasi asosida erkinlik darajasi chekli bo’lgan qovushqoq-elastik mexanik sistemalar tebranishlari rezonans amplitudalarining pasayishi masalasining qo’yilishi, yechish metodikasi va algoritmini ishlab chiqish;
- dissipativ bir jinsli bo’lmagan va erkinlik darajasi chekli bo’lgan mexanik sistemaning rezonans soha elementlari tebranishlari amplitudasi uchun “Troyanovskiy -Safarov” effekti o’rinli bo’ladigan parametirlarini topish;
- dissipativ mexanik sistemalar tebranishlarining ko’chishlar amplitudasini aktiv vibrohimoyalashda turg’unligiga baho berish;
