Qaydalar azərbaycan respublikasi

5.6.3. Maye səviyyəsinin yolverilə bilən səviyyədən aşağı düşmə ehtimalı olan, alov və ya
isti qazlarla qızdırılan tutumlarda ən azı iki birbaşa ölçən səviyyə göstəricisi quraşdırılmalıdır.
5.6.4. Səviyyə göstəricilərinin konstruksiyası, sayı və yeri tutumun layihəçisi tərəfindən
müəyyən edilir.
5.6.5. Hər bir səviyyə göstəricisində yolverilə bilən yuxarı və aşağı səviyyələr (nişanla)
qeyd olunmalıdır.
5.6.6. Tutumda mayenin yolveriləbilən yuxarı və aşağı səviyyəsi layihəçi tərəfindən
müəyyən edilir. Maye səviyyəsinin şəffaf göstəricisinin hündürlüyü mayenin müvafiq
yolveriləbilən aşağı səviyyəsindən az və yuxarı səviyyəsindən 25 mm-dən çox olmalıdır.
Hündürlük üzrə bir neçə göstəricilərin quraşdırılması lazım gəldikdə onları elə yerləşdirmək
lazımdır ki, maye səviyyəsinin fasiləsiz olaraq göstərilməsini təmin etsin.

---

5.6.7. Səviyyə göstəriciləri onları tutumdan ayırmaq və işçi mühitli təhlükəsiz yerə 
yönəltməklə üfləmək üçün armaturla (kranlarla və ventillərlə) təchiz olunmalıdır.
5.6.8. Səviyyə göstəricilərində şəffaf element kimi şüşə və ya slyuda tətbiq olunduğu halda 
partlayış olarsa, personalı zədələrdən qorumaq üçün qoruyucu qurğu nəzərdə tutulmalıdır.

---

VI BÖLMƏ
QURAŞDIRMA, QEYDİYYAT,
TUTUMLARIN TEXNİKİ MÜAYİNƏ OLUNMASI,
İSTİSMARA İCAZƏNİN VERİLMƏSİ
6.1. Tutumlarin quraşdirilmasi
6.1.1. Tutumlar, adamların toplana biləcəyini istisna edən yerlərdə, açıq meydançalarda və 
ya ayrıca dayanan binalarda quraşdırılmalıdır.
6.1.2. Tutumların aşağıdakı yerlərdə quraşdırılmasına icazə verilir:
- binadan kapital divarla ayrılması şərti ilə istehsal binalarına bitişik örtülü yerlərdə 
(otaqlarda);
- sahə üzrə təhlükəsizlik qaydalarında nəzərdə tutulduğu halda istehsal sahələrində;
- armaturu idarə etmək və ona baxış keçirmək üçün daxil olma imkanı və tutumun
divarlarının həm torpaq və həm də azan cərəyanların korroziyasından qorunması şərti ilə torpağa
basdırmaqla.