Müayinə dövrünün müəyyən edilməsi. Müayinə dövrü hüquqi şəxslər
üçün bir rüb, fiziki şəxslər üçün isə bir həftə müəyyənləşdirilir. Nəqliyyat
fəaliyyəti göstərən kiçik müəssisələr rübdə bir dəfə müəyyənləşdirilmiş
qaydada hesabat təqdim edirlər. Mövsümilik amilini nəzərə almaq şərti ilə kiçik
müəssisələr üzrə dövrün seçilməsi müayinənin nəticələrinə o qədər də təsir
etmir. Fiziki şəxslərdə dövrün məhz bir həftə seçilməsi onunla bağlıdır ki, fiziki
şəxslər, təbii ki, ilkin uçot aparılır və onların işi haqqında məlumat sorğu
nəticəsində verilən cavablar əsasında müəyyən olunacaqdır. Bir həftədən çox
müddət fiziki şəxsin gördüyü işləri tam xatırlamasına şübhə yaradır, bir həftə isə
yadda qalan ən yaxşı dövrdür. Burada məntiq sadədir: uzun müddəti əhatə
edən qeyri-dəqiq məlumatdansa, qısa müddəti xarakterizə edən dəqiq məlumat
daha yaxşıdır.
