Məlumatların yığılması və işlənməsi. Məlumatların yığılması prosesi
hüquqi və fiziki şəxslər üzrə müxtəlifdir. Hüquqi şəxslərdən hesabat alınması
adi qaydada, rübdə bir dəfə poçtla alına bilər. Fiziki şəxslərin-fərdi sahibkarların
müayinəsi sorğu yolu ilə aparılır və fəaliyyət göstərən fiziki şəxslər üzrə anket
doldurulur. Müayinə prosesində, xüsusilə fərdi sahibkarların müayinəsi zamanı
sorğu baş tutmaya və ya uğursuzluqla nəticələnə bilər və bu səbəbdən
natamamlıq yarana bilər. Bunlar əsasən aşağıdakı səbəblərdən ola bilər:
fəaliyyət göstərmək üçün lisenziya almağına baxmayaraq müayinə
dövründə fiziki şəxs fəaliyyət göstərməyəndə;
fiziki şəxs sorğudan imtina etdikdə;
fiziki şəxsi tapmaq mümkün olmadıqda.
Təsadüf edilən hallara rast gəlindikdə respondent tərəfindən qeyd olunur və bu kimi hallar məlumatların işlənməsi prosesində qiymətləndirmə, müəyyən hesablamaları aparmaq, imputasiya metodundan və digər üsullardan istifadə etməklə baş məcmunun qiymətləndirilməsi zamanı nəzərə alınır.
Tutaq ki, 2817 fiziki şəxsin 1079-u üzrə statistik müayinənin aparılməsı nəzərdə tutulmuşdur. Seçmə müayinənin yekunlarına əsasən məlum olmuşdur ki, 1076 müəssisədən 48-də sorğu baş tutmamışdır. 48 müəssisənin 27-ni ümumiyyətlə tapmaq mümkün olmamış, 21 şəxs isə sorğunu aparan şəxslərin alınacaq informasiyaların statistika orqanlarında məxfi saxlanacağı barədə təminatına baxmayaraq sorğudan imtina etmişdir. Sorğudan imtina edən şəxslərin hansı nəqliyyat vasitəsindən istifadə etdiyi məlum olmuşdur. Belə ki, onlardan 6-sı yük daşınması, 15-i isə sərnişin daşınması ilə məşğuldur.
Dostları ilə paylaş: |
