QeybəT (ÖLÜ ƏTİ yeməK) Bakı-2010

5-Qeybət edən şəxslər cəhənnəmə hər kəsdən əvvəl daxil olarlar.²

6-Qeybət edənlər yaxşı əməllərini əks tərəfə verər,onun pis əməllərini isə özlərinə götürərlər.³

7-Qeybət əhlinin cəhənnəmdə ərzaqları atəşdir.

8-Qeybət əhlinin cəhənnəmdəki içəcəkləri qaynar sudur.
9-Qeybət əhlinin cəhənnəmdəki libası atəşdən olan köynəkdir.⁴

10-Qeybət əhli cəhənnəm leşidir.⁵

11-Qeybət əhli qiyamət günündə namaz və orucundan fayda görməz:

Qeybət edənlərin namaz və orucları qəbul olmadığı üçün qiyamət günündə onlar bu ibadətlərin savablarından məhrum olacaqlar.⁶

6-CI HISSƏ

QEYBƏTDƏN QAÇMAĞIN ƏHƏMIYYƏTI
Qeybətin dünya və axirətdə necə zərərləri bilindikdən sonra qeybətdən qaçmağın gərəkli olması daha çox əhəmiyyət qazanacaqdır. Bundan faydalana bilmək üçün bu bölümdə qeybətdən qaçmağın Allah yanında dəyərini, dünya və axirətdə necə mükafatları olduğunuda açıqlamaq istəyirik.

Imam Sadiq (ə) bu mövzu haqqında belə buyurur: «Allahın haramından çəkinmək, möminlərə əziyyət verməmək və qeybətdən uzaq durmaq qədər faydalı bir təqva yoxdur».¹

Göründüyü kimi, təqvanın ən üst mərtəbəsinə yetişmək üçün qət edilməsi lazım olan ən qısa və önəmli yollardan biri də qeybəti tərk etmək, yaxud da bunu əxlaq halına gətirməkdir. Belə bir kimsənin təqvası, digər təqvalardan çox ucadır.

Necəki İmam Zeynəlabidin (ə) bu mövzunun önəmini belə açıqlayır: «Kim nəfsini insanların qüsurunu söyləməkdən uzaq tutarsa, Allah da qiyamət günü onun günahlarına göz yumar».²

Qeybət imanla əlaqəli bir işdir. Rəsuli-Əkrəm (s) bu mövzu haqqında belə buyurur: «İmanı sabit olmayanın qəlbi sabit olmaz, qəlbi sabit olmayanın isə dili də sabit olmaz. O halda kim Allah ilə mülaqat etək istəyirsə, əllərini müsəlmanların qanına bulaşdırmasın, dilini də başqaların qüsurunu söyləməkdən uzaq saxlasın».¹

Yenə Həzrət Muhəmməd (s) belə buyurur: «Dilinə hakim ol! Çünki dil, özün üçün verdiyin sədəqədir».²

Üzvlərimizin hər birinin zəkat və sədəqəsi vardır. Dilimizin sədəqəsi isə qeybətdən uzaq durmaqdır.

Oruc tutan şəxs hədislərdə tərif olunmuşdur. Hətta oruc tutan şəxsin yuxusunun belə onun ibadət sayıldığı bildirilir. Bunun üçün onun qeybət etməməsi şərtdir. Həzrət Muhəmməd (s) buyurur: «Oruc tutan şəxs, bir müsəlmanın qeybətini etmədiyi zaman yatağında yatsa belə, ibadət halındadır».³

Məsciddə dayanmaq ibadət sayılır. Onun da şərtlərindən biri qeybət etməmək olaraq bildirilmişdir. Bu mövzu haqqında belə bir rəvayəti nəzərinizə yetirək: «Bir gün Həzrət Muhəmməd (s) belə buyurdu: - Əgər bir hədəs meydana gəlməsə, o zaman məsciddə namazın vaxtını gözləmək ibadətdir.

- Ya Rəsuləllah! Hədəsdən məqsəd nədir?

- Qeybət etmək».⁴

Bəzi əməllər nafilə namazlarını qılmaqdan qat-qat üstündür. Bu əməllərdən biri də qeybətdən qaçmaqdır. Bu mövzu haqqında da bu hədis qeyd olunmuşdur: «Qeybəti tərk etmək, Allah yanında on min nafilə namazından əfzəldir».⁵

Qeybətin tərk edilməsi mövzusunda başqa bir hədisdədə belə bir açıqlama verilmişdir: Qeybəti tərk edən şəxsin cənnətə gedəcəyinə dair Allah özü kəfil olmuşdur. Hədisdə belə deyilir: «Altı xüsusiyyət vardır ki, kim o xüsusiyyətlərə malik olduğu halda dünyadan köçərsə, Allah da ona cənnətdə yer verəcəyinə dair kəfil olar... (O halda) kim qardaşının qeybətini etməməyə niyyətlənərsə və bu niyyətlə dünyadan köçərsə, Allah onu cənnətə aparar».¹

Qeybətdən uzaq duranlar üçün bütün xeyir qapıları açılar. Həzrət Muhəmməd (s) buyurur: «Özündən başqa ilah olmayan Allaha and olsun ki, Allaha ümid bəslədikləri, gözəl əxlaqlı olduqları və möminlərin qeybətindən uzaq durduqları üçün möminlər dünya və axirət xeyirləri nəsib olmuşdur».²