QiyaməTİn kiÇİK ƏlaməTLƏRİ

BEYTUL-MƏQDİSİN FƏTH EDİLMƏSİ

Auf b. Məlik - radıyallahu anhu – rəvayət edir ki, Peyğəmbər – sallallahu aleyhi və səlləm – buyurdu: «Qiyamət günündən qabaq altı hadisəni gözləyin: «Qüdsün (Yerusəlimin) fəth edilməsi»¹⁵. Ömər - radıyallahu anhu – nun xəlifəliyi dövründə, hicrətin 16-cı ilində Qüds zəbt olunur və orada bir məscid də inşa edilir¹⁶.

TAUN XƏSTƏLİYİ

Auf b. Məlik - radıyallahu anhu – rəvayət edir ki, Peyğəmbər – sallallahu aleyhi və səlləm – buyurdu: «Qiyamət günündən qabaq altı hadisəni gözləyin: «Çox ölənlər olur. Sizin içinizdə heyvanların burunlarından axan və bir anda öldürən xəstəlik olacaqdır”¹⁷. İbn Həcər – rahmətullahi aleyhi – deyir ki: “Bu əlamət Ömər - radıyallahu anhu – nun zamanında Qütsün fəthindən sonra Amvasta baş vermişdir”¹⁸. Taun hicrətin 18-ci ilində Amvasta baş vermiş və sonra Şam tərəfə də yayılmışdır. Ölənlərin sayı 25000 min nəfər olmuşdur. Bu ümmətin əmini olan Əbu Ubeydə b. Cərrah - radıyallahu anhu – da bu xəstəlikdən ölmüşdür¹⁹.