Raqamli axborot texnologiyalari fani

PEDAGOGIKA OLIY TA’LIM MUASSASALARI TALABALARIGA “RAQAMLI AXBOROT TEXNOLOGIYALARI FANI” NI O’QITISHDA ZAMONAVIY TA’LIM TEXNOLOGIYALARIDAN TA’LIM JARAYONIDA FOYDALANISH USULLARI
Raxmonov Ziyodillo Xusanovich
2-kurs magistrant tel.
911473289 Qo‘qon DPI

Annotatsiya: Maqolada o‘quv jarayonida ta’lim texnologiyalarini joriy etishning dolzarbligi ko‘rsatilgan. Ta’lim texnologiyasining predmeti batafsil yoritilgan.
Аннотация: В статье подчеркивается актуальность внедрения образовательных технологий в образовательный процесс. Подробно описана тематика образовательных технологий.
Annotation: The article highlights the relevance of the introduction of educational technologies in the educational process. The subject of educational technology is described in detail.


Kirish. Bugungi kunda ta’lim jarayonida foydalanilayotgan an’anaviy o‘qitish usullariga qo‘shimcha tarzda o‘quv vositalari deb hisoblangan barcha multimedia tizimlarini o‘zida jamlagan o‘quv - uslubiy elektron mahsulotlar kirib keldi.
Multimedia tushunchasi keng ma’noli bo‘lib, turli soha mutaxassislari uni qo‘llanish mazmuniga qarab turlicha talqin etishga harakat qiladilar.Multimedia tushunchasining eng umumlashgan holati (multimedia vositalari)–matn, rasmlar, sxema, jadval, diagramma, fototasvirlar, video va audio fragmentlar va boshqa har xil ma’lumotlarni raqam ko‘rinishida ishlab chiqish, yaratishning dasturiy apparat vositalari tushuniladi.
Multimedia vositalari bu apparat va dasturlar to‘plami bo‘lib, u insonga o‘zi uchun tabiiy bo‘lgan juda turli tuman muhitlarni: tovush, video, grafika, matnlar, animastiyalarni ishlatgan holda kompyuter bilan muloqot qilish imkonini beradi.
Metod va uslublar. O‘quv-uslubiy elekton mahsulotlarining imkoniyatlari va ularga kiritilgan ma’lumotlar asosida ularni quyidagi turlarga ajratish mumkin:
1. O‘quv darslikning elektron versiyasi deganda – o‘quv namunaviy dasturga muvofiq fanning to‘liq kursini qamrab olgan ma’lumotlarning elektron varianti ko‘rinishidagi mahsulotlarga aytiladi. Bular ma’ruzalar, matnlar va h.k.