Xo‘jalik operatsiyasi deganda korxona va tashkilotda yuz bergan va berayotgan aniq xarakatlar, ishlar tushuniladi.
Iqtisodiyotni tobora erkinlashtirilishi korxonalarga turli faoliyat turlari bilan shug‘ullanishga, ularning har birini foyda olish manbaiga aylanishiga olib keldi.
Respublikamizning qonunlari, chunonchi Soliq Kodeksiga muvofiq korxona va tashkilotlarning xo‘jalik faoliyati ikki turga bo‘linadi:
Asosiy faoliyat – bu korxona va tashkilotning bosh maqsadini ifodalovchi hamda uning ustavida ko‘rsatilgan faoliyat turi (yoki turlari).
Asosiy bo‘lmagan faoliyat – bu korxona va tashkilotning bosh maqsadi bo‘lib hisoblanmaydigan, shu bilan birga qo‘shimcha foyda olish maqsadida hamda asosiy faoliyat uchun zarurat yuzasidan yuritiladigan faoliyat turi yoki turlari.
Korxonalarning asosiy va asosiy bo‘lmagan faoliyat turlari 2.11- rasmda keltirilgan.
