Raqamli mobil aloqa

27.2.1. IEEE 802.16 standartlari oilasining tavsifi
IEEE institutining standartlar bo‘yicha qo‘mitasi simli va simsiz 
keng polosali aloqa standartlarini ishlab chiqish bilan shug‘ulla-
nadi. Ethernet (802.3) va Wi-Fi (802.11) kabi tarmoq texnologi-
yalari sohasidagi standartlarning ishlab chiqaruvchisi hisoblan-
gan 802 qo‘mita, shuningdek WiMAX (802.16) texnologiyasining 
standartlar to‘plamini chiqardi.
Yuqorida ta’kidlanganidek, WiMAX Forumi – bu 802.16 oilasi-
dagi standartlarni o‘zaro moslashuvchanligini ta’minlash maqsa-
dida WiMAX profillari asosida jihozlarni ishlab chiqarish bo‘yicha 
tavsiyalarni ishlab chiquvchi sohaviy konsorsium. Yangi standart-
larni ishlab chiqishda hamda ular asosida jihozlarni yaratishda 
ko‘plab infokommunikatsion mahsulot ishlab chiqaruvchilari qat-
nashmoqda. Hozirgi kunda WiMAX forumi xizmat ko‘rsatuvchi-
lar (servis provayderlar) (50% atrofida), jihozlar va komponentlar 

---

389
ishlab chiqaruvchilari, shuningdek, mazmun taqdim etuvchilar 
(kontent provayderlar)dan iborat 500 tadan ortiq a’zolarni bir-
lashtiradi [47]. 
Yuqorida ta’kidlanganidek, hozirgi vaqtda WiMAX nomi bilan 
quyidagi ikkita keng polosali simsiz aloqa standarti (versiyalari) 
rivojlanmoqda:
•
“16d” versiyasi (standartning rasmiy nomi — IEEE 802.16-
2004) faqat turg‘un terminallarda ishlash uchun mo‘ljallangan;
•
“16e” versiyasi (standartning rasmiy nomi — IEEE 802.16-
2005) turg‘un, portativ va mobil aloqa turlari uchun mo‘ljallangan 
va takomillashtirilgan radiointerfeysni qo‘llab-quvvatlaydi.
Umumiy holda bu ikki WiMAX versiyalarining tizim jihozlari 
o‘zaro moslashmaydi, shuningdek, “16d” versiyaning abonent 
uskunalari “16e” versiyadagi tarmoqlarda ishlay olmaydi. Bu mos-
lashmaslik sababli va “16e” versiyasi ma’qulroq ekanligi uchun 
ko‘pchilik ishlab chiqaruvchilar “16d” versiyaga vaqt sarflamasdan 
“16e” versiyani qo‘llab-quvvatlashga qaror qabul qilmoqdalar.