22.4.DMT va O‘YUCH diapazonlarida radiochastotalar taqsimlanishi. Xizmat ko‘rsatish sifati tushunchasi Aloqa tarmoqlarida xizmat ko‘rsatish sifati QoS
(ingl. Quality of Sevise) deb nomlangan ko‘rsatkich orqali aniqlanadi. QoS alo-
qa tarmog‘ini taklif etiladigan aloqa xizmatlarining sifati haqida
berilgan kelishuvga moslik darajasini aniqlaydi. Ko‘p holatlarda
aloqa sifati to‘rt parametr orqali aniqlanadi:
• O‘tkazish polosasi (ingl. Bandwidth) — axborot uzatish
tizimining nominal o‘tkazish qobiliyatini tavsiflaydi, bit/sek kbit/
sek va Mbit/sek larda o‘lchanadi;
• Paket jo‘natishda ushlanish (ingl. Delay) — ya’ni axborot pa-
ketini jo‘natuvchidan oluvchigacha yetib borish vaqtini aniqlaydi,
millisekundlarda (ms) o‘lchanadi;
• Djitter (ingl-n Jitter) — paket jo‘natishdagi ushlanish vaqti-
ning nostabilligi, millisekundlar yoki Gerslarda o‘lchanadi;
• Paketlar yo‘qolishi (ingl. Packet loss) — uzatish vaqtida
yo‘qolgan paketlar miqdorini aniqlaydi, uzatilgan paketlarning
umumiy soniga nisbatan foizlarda o‘lchanadi.
Soddaroq qilib aytganda, aloqa kanalini quvur ko‘rinishida,
uning o‘tkazish qobiliyatini esa quvurining kengligi va uzunligi
sifatida tasavvur etish mumkin. Ma’lumot uzatish jarayoni mar-
shrutizatorlarda “shisha idish bo‘g‘zi” muammosi bilan to‘qnash-
gan holatlarda oddiy FIFO
(ingl. First In — First Out —“birinchi kelgan – birinchi ketadi”) usuli ishlatiladi. Ammo intensiv trafik
sharoitlarida bu usul muammoni juda sodda hal qiladi: navbati
kelmagan barcha paketlar marshrutizator tomonidan rad etiladi
va so‘ngra butunlay yo‘qotiladi.
