Rashid turgunbaev kompyuter grafikasi: adobe photoshop cc dasturida ishlash

Ranglar balansi sozlamalarini qo‘llash

Color Balance buyrug‘i tasvirning umumiy ranglar aralashmasini o‘zgartirish imkoniyatini beradi. Ranglar balansi sozlamalarini qo‘llash uchun quyidagilarni bajarish kerak:

1. 
   Channels panelida barcha rang kanallari tanlanganligiga ishonch hosil qilinadi;
   
2. 
   Panellar bo‘limining xususiyatlar panelidan ranglar balansi yorlig‘ini bosish yoki dasturning Layer menyusi New Adjustment Layer bo‘limidan Color Balance buyruq qatorini tanlash kerak. Ochilgan dialog oynasida OK tugmasini bosish kerak;
   
3. 
   Panellar bo‘limining xususiyatlar panelida Tone elementiga ranglar balansi sozlanishi kerak bo‘lgan tasvirning ranglar to‘plami, jumladan, soya, yorug‘lik yoki o‘rta ranglari belgilanadi;
   
4. 
   Panellar bo‘limining xususiyatlar panelidagi ranglar slayderlarining qiymatlarini o‘zgartirish orqali tasvirning ranglar balansi o‘zgartiriladi. Slayder ko‘rsatkichini tasvirda ko‘paytirilishi kerak bo‘lgan rang tomon siljitish kerak bo‘ladi:
   

Tasvirning ranglar balansini dasturning Photo Filter sozlamasi yordamida ham o‘zgartirib olish mumkin. Buning uchun quyidagilarni bajarish kerak:

1. 
   Panellar bo‘limining xususiyatlar panelidan Photo Filter yorlig‘ini bosish yoki dasturning Layer menyusi New Adjustment Layer bo‘limidan Photo Filter buyruq qatorini tanlash kerak. Ochilgan dialog oynasida OK tugmasini bosish kerak;
   
2. 
   Panellar bo‘limining xususiyatlar panelidan filtr rangini filtr andozalari Filter elementi yordamida yoki ma’lum rang tanlash Color elementi yordamida belgilab olish kerak. Filtr qo‘llanilganidan so‘ng tasvirning yorug‘lik darajasi pasayishini oldini olish uchun Preserve Luminosity elementini belgilash kerak bo‘ladi:
   

3. 
   Tasvirga qo‘llaniladigan ranglar miqdorini boshqarish uchun Density
   

slayderidan foydalanish mumkin.