Şimali Amerika massivi Qrelandiya adası, kənar arxipelağı adaları da daxil olmaqla Şimali Amerika qitəsi ərazisini əhatə edir. O Çukot şelfi strukturları və Berinq dənizi ilə Avroasiya massivi ilə birləşir. Massivin quru sahəsi 22.3 mln. km2 təşkil edir. Okean səviyyəsindən hündürlüyü orta hesabla 700 m- dir.
Qitənin şimali- şərq və cənubi- şərq sahilləri boyu materik ətəyi xeyli enə malikdir. Qitənin qərb kənarında şelf zonası ensizdir, bəzi yerlərdə hətta
qeyd olunmur.
Şimali Amerika qitə massivi hər tərəfdən okean çuxurları ilə əhatə olunmuşdur. Massivin cənubda belə çuxurlar qeyd olunmur. Burada o cənubi Amerika massivi ilə təmasdadır. Həmin zonada keçid strukturları inkişaf etmişdir (Meksika körfəzi, Karib dənizi çökəkliyi, Böyük Antil dənizi qövsü və.b.). Hesab edilir ki, Şimali amerika massivi iri Amerika litosfer plitəsinin qərb hissəsində yerləşir.
Dostları ilə paylaş: |