| Qalınlıqların analizi
Çökmə və vulkan mənşəli qatların qalınlıq-larının paylanması paleotektonik analizin mühüm üsullarından biridir. Bu bərabər qalınlıq xəritələrinin və ya izopaxların tərtib edilməsi əsasında aparılır. Belə xəritələr ədətən fasiya xəritələri ilə birləşdirilir, yaxud açılışlar və quyuların məlumatları əsasında tərtib edilir. Fasiyaların analizi üsulundan fərqli olaraq qalınlıqların analizi üsulu şaquli hərəkətlərin keyfiyyət və miqdari qiymətləndirilməsinə imkan verir. Dayazsulu, epikontinental və qitələrin sualtı şelf zonalarının çöküntülərinin qalınlığı hövzənin
dibinin tektonik çökməsi ölçüsünə müvafiq gəlir. Ona görə də tektonik enmə çöküntülərin qalınlığının nizamlayıcısı və ölçüsü rolunu oynayır.
Çökmələrlə əvəzlənən enmə şəraitində çökün-tülərin qalınlığı dəqiqliklə, bəzən bir- neçə metr həddində tektonik enmənin ölçüsünə müvafiq gəlir. Belə şərait dərinlik 50 m- dən artıq olmayan platfor-ma vilayətləri, geosinklinalların xarici zonaları (miogeosinklinal), qitə kənarları şelfinə müvafiq olan aralıq massivləri və s. üçün səciyyəvidir.
Dostları ilə paylaş: | 
