Platformaların inkişafının pillələri
Qədim platformaların inkişafının ilkin pilləsi kratonlaşmadır. Bu qalxmaların, üstünlük təşkil etməsi və maqmatizmin intensivliyi ilə səciyyələnir. Onun üçün qabbro- anortozit- qranit plutonlarının iri laylarının toplanması tipikdir.
Kratonlaşma pilləsi tədricən erkən avlakogen pilləsi ilə əvəz olunur. Bu şimal platformaları cərgə-sində nisbətən özünü tipik göstərimişdir. Qondvana superplatformasında bu pillə özünü bir qədər zəif formada göstərib.
Kembriyəqədərin sonunda, əsasən Neopro-terozoyda, avlakogenlər çökəkliklərə, sonra isə tez bir zaman ərzində sineklizlərə çevrilmişdir. Sonda isə çökəkliklər və sineklizlər birləşərək antekliz üzərindən keçən bütöv çökmə örtüklü plitələri əmələ gətirib.
Nəhayət, platformaların inkişaf pilləsinin nis-bətən uzun müddətli əsas pilləsi başlayır. Bu praktiki olaraq fanerozoy ərzində mövcud olmuş bütün qə-dim platformaları əhatə edir. Əksər cavan platfor-malar üzərində qitə pilləsinin başlanğıcı yura dövrü-nün başlanğıcına aid edilir. Plitə pilləsinə nisbətən,
bütün əvvəlki platforma inkişafını, çox vaxt plitəyə qədərki pillə kimi qeyd edirlər.
Plitə mərhələsində toplanan örtük adətən dəqiq fazalarla qurulmuş komplekslərə ayrılır. Bu da geo-sinklinal qurşaqların asas tektonik fazalarına müva-fiq gələn və bir- birindən demək olar ki, çöküntü-toplanmadakı ümumi fasilələrlə ayrılan formalarına uyğun gəlir.
Ümumən, platformalar üzərində qitə və dayaz-dəniz çöküntüləri üstünlük təşkil etdiyindən, onların tərkibinə və formasiya təbiətinə iqlim şəraiti böyük təsir gşstərmişdir. Bu isə platformalar üçün iki formasiya sırasının qəbul edilməsinə imkan yaradır: birinci humid, ikincisi isə, arid iqlim üçün. Çökmə örtüyün formasiya sırasının bünövrəsində qitə qırıntı formasiyası durur. Dənizin qurunu basması ilə qırıntı formasiyaları laqun formasiyası ilə əvəz olunur.
Qeyd olunan formasiyalarla yanaşı platforma-lar üzərində həmçinin aşağıdakı formasiyalar da qeyd olunur: transqressiv terrigen, karbonat, trapp, qələvi- bazalt, kimberlit və s. Platformaların tektonik- maqmatik aktivləşməsi, xüsusən, yeni oliqosen- dördüncü dövr epoxalarında özünü açıq
göstərmişdir ki, buda aktivləşmə pilləsi adını al-mışdır.
Dostları ilə paylaş: |