| Epiplatforma orogenlərinin quruluşu mürək-kəbdir. Bunlar dağ tikililərinin və dağarası çökəklik-lərin növbələşməsindən təşkil olunub. Dağarası çö-kəkliklər adətən az sahəni əhatə edir və oval formaya malik olur. Bəzi sahələrdə epiplatforma orogenləri epigeosinklinala oxşayır və aralıq platformalardan ayrılır. Eninə kəsilişdə epiplatforma dağ tikililəri bənd- blok tikililəri kimi özünü göstərir.
Dağarası və dağönü çökəkliklər qanuna uyğun olaraq kəsilişdə kobuddənəli çöküntülərlə yuxarıya doğru keçən və bəzən qalınlığı 10 km- ə çatan nəhəng molaslarla doldurulmuşdur. Epigeosinklinal molasslardan fərqli olaraq epiplatforma molasları öz kəsilişinin çox hissəsində qitə, və yalnız aşağı hissəsində laqun- dəniz mənşəli ola bilər. Buna baxmayaraq süxurların qranulometrik tərkibinə görə burada da alt və üst molas ayrıla bilər. Alt molas arid iqlimdə qırmızı- və ya tünd qırmızı, çox vaxt duzlu, humid iqlimdə isə boz rəngli, bəzi hallarda kömürlü ola bilər.
Dostları ilə paylaş: |
