Rəhman və Rəhim olan Allahın adı ilə

«61. (Yusufun qardaşları) dedilər: “Ondan ötrü atasını yola gətirməyə çalışarıq» Bizimlə gəlməsi üçün əlimizdən gələni edərik. «və sözsüz ki, (bunu) edərik» biz bunu etməyi bacarırıq. Sonra Yusuf köməkçilərinə onların ərzaq əvəzinə verdikləri mallarını xəlvətcə yüklərinin arasına qoymağı tapşırdı. «Bəlkə, ailələrinə döndükdə onu başa düşsünlər və ola bilsin ki, (yenidən ərzaq almaq üçün bir daha yanımıza) qayıtsınlar!» Alimlər deyirlər ki, Yusuf bununla istəyirdi ki, onlar mallarının yüklərin arasında qaldığını görüb onu geri gətirərlər. Bəziləri isə deyirlər ki, Yusuf onların ikinci dəfə gəlmələri üçün xərcliklərinin olmamasından ehtiyat edirdi. Başqaları isə deyirlər ki, o qardaşlarına verdiyi ərzaq müqabilində nə isə götürməyi özünə layiq bilmədi.