Rəhman və Rəhim olan Allahın adı ilə

«84. (Bu sözlərdən sonra Yəqub) onlardan (oğlanlarından) üz döndərdi və “(Heyf sənə) yazıq Yusuf!” – dedi.» Təzə kədəri köhnə dərdini yadına saldı. Yatmış hisslərini oyatdı. Şeirlərin birində belə bir ifadə işlədilib:

Hansı səmtə yönəlsən bu dəyişilməz haqdır:

İlk sevdiyin əbədi, səninlə qalacaqdır. ²⁴⁷
Başqa şeirdə isə belə deyilir:

Ağladığıma görə qəbirlərin önündə

Dostum qınadı məni, yandım nalədə-ündə

Hər gördüyün qəbirin önündə ağlayırsan?

Qumlu səhra qoynunda quruyub daşa dönüb

Gətirməyə başlayan sona qədər gətirər.

Mən ki, demişəm kədər, elə kədər gətirər.

Mənə demə bunları, ayırd elə sən bir-bir

Gördüklərinin cəmi Malikin²⁴⁸ öz qəbridir!²⁴⁹