53. (Əgər o, doğrudan da, peyğəmbərdirsə) onun üstünə qızıl bilərziklər atılmalı və onunla birlikdə bir-birinin ardınca mələklər gəlməli deyildimi?!”
54. Beləliklə, (Firon) öz qövmünü yelbeyin yerinə qoydu, onlar da ona itaət etdilər. Həqiqətən, onlar fasiq bir qövm idilər!
55. (Firon əhli) Bizi qəzəbləndirdikdə onlardan intiqam alıb hamısını (suya) qərq etdik.
56. Və onları sonradan gələnlərə misal və ibrət dərsi etdik. (əz-Zuxruf: 46-56).
Uca Allah danışdırdığı hörmətli peyğəmbərini alçaq Fironun yanına göndərdiyini bildirir. O, Öz peyğəmbərlərini təsdiq və təzimlə qarşılanacaq möcüzələrlə göndərmişdi ki, onlar öz küfr əməllərindən əl çəkib haqqa, düz yola qayıtsınlar. Onlar isə peyğəmbəri gülüş və istehza ilə qarşıladılar. Allahın din yoluna qarşı çıxıb haqqdan üz çevirdilər. Bunun müqabilində Uca Allah ardıcıl olaraq biri-birindən böyük möcüzələrini göndərdi. Bu belə də olmalıdır. Çünki təkid əvvəlkindən daha tutarlı olmalıdır. « onları əzabla yaxaladıq ki, bəlkə, (haqq yola) qayıdalar!»
Dostları ilə paylaş: |
