39. (Firon) və əsgərləri yer üzündə nahaq yerə təkəbbür göstərdilər və elə güman etdilər ki, hüzurumuza qaytarılmaycaqlar!
40. Buna görə də onu və əsgərlərini tutub dənizə atdıq. (Ey Rəsulum!) Bir gör zalımların axırı necə oldu!
41. Biz onları Cəhənnəm oduna çağıran rəhbərlər etdik. Qiyamət günü onlara heç bir köməklik edilməyəcəkdir!
42. Bu dünyada onlara lənət damğası vurduq, Qiyamət günü isə onlar çirkin kimsələr olacaqlar. (əl-Qasas: 36-42).
Uca Allah bildirir ki, onlar haqqa boyun əyməkdə təkəbbürlülük göstərdikləri və padşahları yalan bir inancı iddia etdiyi zaman, onlar onu təsdiqləyib itaət etdilər. Bu səbəbdən Qüdrətli və Əzəmətli Rəbbin qəzəbi şiddətləndi. Onlardan ən şiddətli intiqam aldı, bir gündə onu və bütün qoşununu suya qərq etdi. Onlardan heç biri də sağ qalmadı. Hamısı suda boğulub Cəhənnəmə vasil oldular. Bu dünyada məxluqatın lənətini, axirətdə isə ən pis yoldaşlığı qazandılar. Qiyamət günü onlar ən çirkin insanlar olacaqlar.
Dostları ilə paylaş: |
