51. (Ey Rəsulum!) Kitabda (Quranda) Musanı da yad et! Həqiqətən o, (öz ibadətində) çox səmimi idi. O bir elçi, bir peyğəmbər idi.
52. Biz (Musanı) Tur dağının sağ tərəfindən çağırdıq və gizli dua edərkən özümüzə yaxınlaşdırdıq.
53. Və öz mərhəmətimizdən qardaşı Harunu da bir peyğəmbər olaraq ona bəxş etdik. (Məryəm: 51-53).
Digər ayədə isə belə buyurulur:
144. (Allah) belə buyurdu: “Ey Musa! Mən Öz risalətlərimlə və danışmağımla (dövründəki bütün) insanlardan səni seçib üstün tutdum. İndi sən verdiyimi al və (bu nemətlərə görə) şükür edənlərdən ol!” (əl-Əraf: 144).
Kitabın əvvəlində qeyd etmişdik ki, iki səhih kitabda363 Peyğəmbərin belə dediyi rəvayət olunur: "Məni Musadan üstün tutmayın. Qiyamət qopanda insanlar huşunu itirəcək. Onların arasında ilk oyanan mən olacağam. Oyananda Musanın Ərşin ətəyindən bərk yapışdığını görürəm. Bilmirəm o məndən öncə oyanıb, yoxsa Tur dağının önündə huşunu itirməsi ilə kifayətlənib (bu gün huşunu itirməyib)".
Biz bu hədisi qeyd edərkən demişdik ki, Peyğəmbərin bu sözləri təvazökarlıq məqsədi daşıyır. Əslində Peyğəmbərimiz Muhəmməd peyğəmbərlərin sonuncusu, Adəm övladının həm dünyada, həm də axirətdə ən şərəfli olanıdır. Bu qəti olaraq belədir və bunda heç bir şübhə yoxdur.
Uca Allah buyurur:
Dostları ilə paylaş: |
