25. Göylərdə və yerdə pünhan olanı (yağışı, bitkiləri) aşkara çıxaran, onların gizlində və aşkarda etdikləri hər şeyi bilən Allaha səcdə etməsinlər deyə (Şeytan belə etmişdir).
26. O böyük Ərşin Rəbbi (sahibi) olan Allahdan başqa heç bir haqq ilah yoxdur!”
27. (Süleyman Hüd-hüdə) dedi: “Baxaq görək doğru deyirsən, yoxsa yalançısan?!
29. (Səba hökmdarı Bəlqis Süleymanın məktubunu alıb oxuyandan sonra) dedi: “Ey əyanlar! Mənə çox hörmətli bir məktub göndərildi (atıldı).
30. O məktub Süleymandandır və o “bismillahir-rəhmanır-rəhim”lədir (bismillahla başlanır).
31. (Məzmunu belədir:) ”Mənə qarşı təkəbbür göstərməyin və yanıma müti (müsəlman) olaraq gəlin! (Mənim dəvətimə saymazlıqla yanaşmayın. Allaha təslim olaraq yanıma gəlin)”.