Rəhman və Rəhim olan Allahın adı ilə

259. Yaxud (Ey Rəsulum! Damları çökmüş, divarları) uçulmuş bir kəndin yanından ke­çən kimsənin əhvalatını bilirsən? O kimsə: “Əcaba, Allah bu kəndi ölümündən sonra necə dirildəcək?” – demişdi. Belə olduqda, Allah onu öldürüb yüz il saxladı, sonra diril­dərək ondan: “Nə qədər yatmısan?” – deyə so­ruşdu. O da: “Bir gün, bəlkə, bir gündən da­ha az”, – deyə cavab verdi. Allah ona: “Ək­sinə, yüz il yatmısan. Yediyin yeməyə, içdi­yin suya bax, hələ də xarab olmayıb. Bir də uzun­qulağına bax! Səni insanlar üçün bir ib­rət dərsi olmaqdan ötrü belə etdik. İndi (uzun­qulağının) sümüklərinə bax, gör necə on­la­rı bir-biri ilə birləşdirir, sonra da onların üzərini ətlə örtürük?” – deyə buyurdu. O kim­səyə bunlar aydın olduqda: “Artıq bil­dim ki, Allah hər şeyə qadirdir!” – dedi. (əl-Bəqərə: 259).

 

 

ÜZEYİR PEYĞƏMBƏR



z eyirin İsrail oğullarının peyğəmbərlərindən biri olması fikri çox məşhurdur. O, Davud və Süleymandan sonra, Yəhya və Zəkəriyyədən öncə yaşamışdır. İsrail oğulları içərisində Tövratı əzbər bilən bir kimsə qalmadığı vaxtda Uca Allah ona bu kitabın əzbərini ilham etmiş, o da bunu İsrail oğullarına öyrətmişdi.

İbn Əsakir İbn Abbasdan  rəvayət edir ki, o Abdullah ibn Səlamdan  Uca Allahın: «30. Yəhudilər: “Üzeyr Allahın oğludur” – dedilər.» (ət-Tövbə: 30) – ayəsi haqqında soruşub onların nə üçün belə dediklərinin səbəbini sual etdi. İbn Səlam  dedi: "O, İsrail oğulları üçün Tövratı əzbərdən yazdıqda onlar: "Musa Tövratı ancaq kitab şəklində gətirə bilmişdisə, Üzeyir onu kitabsız, əzbərdən gətirmişdir", – dedilər. Bu səbəblə bir qrup insan: "Üzeyir Allahın oğludur!" – demişdi.

Ona görə əksər elm adamları belə deyir: "Üzeyirin vaxtında Tövratın kütləvi şəkildə nəql edilməsi dayandı". Əgər biz Üzeyirin peyğəmbər olmadığını desək, o zaman bu fikir tutarlı olar. Onun peyğəmbər olmadığını Əta ibn Əbu Rəbah və əl-Həsən əl-Bəsri demişdir.

Buxarinin "Səhih" kitabında Peyğəmbərin  belə dediyi rəvayət olunur: "Mən Məryəmin oğluna daha yaxınam. Peyğəmbərlərin ataları birdir. Mənimlə onun arasında heç bir peyğəmbər yoxdur."⁴⁶⁶

Bu hədisi Tirmizidən başqa altı kitab sahibləri⁴⁶⁷ Əbu Hureyrədən  rəvayət ediblər.

Şueyb də Əbu-z-Zinaddan, o da Ə`racdan, o da Əbu Hureyrədən  Peyğəmbərin  belə dediyini rəvayət etmişdir: "Peyğəmbərlərdən biri ağacın oltında oturarkən qarışqa onu sancdı. O, avadanlığının gətirilməsini tələb etdi. Onu ağacın altından çıxarıb (bütün yuvanı) yandırtdı. Uca Allah ona vəhy edib dedi: "Məgər (səni sancan) bir qarışqanı yandırsaydın kifayət etməzdi?"⁴⁶⁸

İbn Abbas , Mucahid və əl-Həsən əl-Bəsri rəvayətdəki peyğəmbərin Üzeyir olduğunu demişlər⁴⁶⁹. Daha doğrusunu Allah bilir.

 

 

ZƏKƏRİYYƏ VƏ YƏHYA PEYĞƏMBƏR



QURANİ-KƏRİMDƏ ZƏKƏRİYYƏ  VƏ YƏHYA  HAQQINDA DEYİLƏNLƏR

Uca Allah Qurani-Kərimdə buyurur:
Ər-Rəhman və ər-Rəhim olan Allahın adı ilə.