«19-Mələk dedi: "Mən ... Rəbbinin elçisiyəm".» (Məryəm: 19). Yəni mən bəşər deyiləm, Allahın sənə göndərdiyi elçi mələyiyəm. «Mən sənə ancaq pak bir oğlan bəxş etmək üçün» göndərilmişəm.
«20-Məryəm dedi: "Mənə bir insan toxunmadığı və özüm də zinakar olmadığım halda, necə mənim övladım ola bilər?"» Mən nə ərdəyəm, nə də zinakar deyiləmsə uşağım necə ola bilər?! «21-Mələk dedi: «Rəbbin belə buyurub: "Bu, Mənim üçün asandır.»Mələk onun təəcübünə cavab olaraq «Rəbbin belə buyurub:» sözləri ilə cavab verdi. Sənə heç bir kişi toxunmadan O, bir övlad yaradacaqdır. Sən pis yolda da deyilsən. Bunları etmək «Mənim üçün asandır.»
Allah istədiyini etmək iqtidarındadır və bu, Onun üçün çox asan bir işdir.
