Rəhman və Rəhim olan Allahın adı ilə

DÖRD KİTABIN NAZİL OLMASI
Təfsir kitabımızda Uca Allahın: «...Quran ramazan ayında nazil edilmişdir...» (əl-Bəqərə: 185) – ayəsini açıqlayarkən bu haqda rəvayət olunan hədisləri qeyd etmişik. Hədislərin birində deyilir ki, "İncil"in İsaya nazil edilməsi Ramazan ayında baş vermişdir.

İSA  HAQQINDA DEYİLƏNLƏR
Uca Allah buyurur:

110. (Ey Rəsulum!) Xatırla ki, o gün (Qi­ya­mət günü) Allah (İsaya) belə buyura­caq: “Ey Məryəm oğlu İsa! Sənə və ana­na verdiyim nemətimi yadına sal! O za­man səni müqəddəs Ruhla qüvvətlən­dir­mişdim. Sən beşikdə olanda da, yet­kin çağında da adamlarla danışırdın. Sə­nə kitabı (yazıb-oxumağı), hikməti, Töv­ratı və İncili öyrətmişdim. O zaman sən Mənim iznimlə palçıqdan quşa bən­zər bir şey düzəldib ona üfürürdün, o da Mənim iznimlə quş olurdu. Sən Mə­nim iznimlə anadangəlmə kora və cü­zamlı xəstəyə şəfa verir və Mənim iz­ni­mlə ölüləri (qəbirdən çıxardıb) diril­dir­din. Sən İsrail oğullarına açıq-aşkar möcüzələr gətirdiyin zaman Mən (onla­rın bəlasını) səndən dəf etmişdim (səni öldürmək istədikdə onlara mane olmuş­dum). Onlardan küfrə batanlar isə belə demişdilər: “Bu, açıq-aydın sehrdən baş­qa bir şey deyildir!”