Rəhman və Rəhim olan Allahın adı ilə

İBLİSİN ADƏMİN  TÖVBƏ ETMƏSİNƏ GÖRƏ TƏƏSSÜF ETMƏSİ
Əvvəldə qeyd etmişdik ki, Uca Allah mələklərinə Adəmə səcdə etməyi əmr etdikdə mələklərin hamısı ilahi əmrə itaət etdilər. İblis isə həsəd və ədavət göstərib səcdədən imtina etdi. Allah da onu ilahi məqamdan qovub çıxardı və bu məqamı ona qadağan etdi. Onu qovulmuş, daşlanmış və lənətlənmiş şeytan olaraq yerə endirdi.

Əbu Hureyrə t Peyğəmbərin r belə dediyini rəvayət edir: "Adəm övladı səcdə ayəsini oxuyub səcdə etdikdə şeytan kənara çəkilib ağlayar və deyər: "Vay mənim halıma! Adəm övladına səcdə etmək əmr olundu, o da səcdə etdi. O da Cənnətə layiq oldu. Mənə də səcdə etmək əmr olundu. Mən isə asilik göstərdim və Cəhənnəmə layiq görüldüm."⁵²