Rəhman və Rəhim olan Allahın adı ilə

İBRAHİM XƏLİLİN  MÜQƏDDƏS TORPAQLARA QAYITMASI
Sonra İbrahim Xəlil Misir torpaqlarından qayıdıb Təymən torpaqlarına gəldi. Bu yer onun yaşadığı müqəddəs yerlər idi. O özü ilə çoxlu mal-qara, kölələr, bol mal-dövlət gətirmişdi. Qibti¹⁴⁷ millətindən olan misirli Həcər də onlarla gəlmişdi.

LUT PEYĞƏMBƏRİN  İORDANİYANIN MƏRKƏZİNƏ HİCRƏTİ
Lut peyğəmbər İbrahimin əmri ilə öz payına düşən bol mal-dövlət ilə Ğur torpaqlarına tərəf üz tutdu. Bu yerlər Ğuru Zəğər adı ilə məşhurdur. O orada Sədum şəhərində məskən saldı. O vaxtlar bu şəhər o yerlərin mərkəz şəhəri hesab olunurdu. Şəhərin əhalisi kafir idilər. Onlar şər və günah işlər edirdilər.