Rəhman və Rəhim olan Allahın adı ilə

İSHAQIN  DÜNYAYA GƏLMƏSİ
Uca Allah buyurur:

112. Ona əməlisalehlərdən olacaq bir pey­ğəmbər – İshaq ilə müjdə verdik.

113. Biz ona və İshaqa bərəkət verdik. Hər ikisinin nəslində yaxşı iş görənləri də var, açıq-aydın özünə zülm edənləri də.» (əs-Saffat: 112-113).

İshaqın müjdəsi İbrahimə və Saraya mələklər tərəfindən çatdırılmışdı. Onlar küfr və günah işlərdə tüğyan edən Lut qövmünün yaşadığı əraziləri məhv etmək üçün gedərkən yollarını İbrahimin yanından salmış və onlara müjdə vermişdilər. İnşəllah qarşıda bu haqda məlumat veriləcəkdir.

Uca Allah buyurur:

69. Həqiqətən, elçilərimiz İbrahimə müj­də gətirib: “Salam!” – dedilər. (İbra­him də: ) “Salam!” – deyə cavab ver­di və dərhal qızarmış bir buzov gə­tir­di.

70. (İbrahim qonaqların) əllərinin ye­mə­yə uzanmadıqlarını gördükdə onların bu hərəkəti xoşuna gəlmədi və qorxuya düşdü. Onlar dedilər: “Qorxma, biz Lut tayfasına göndərilmişik!”