Rəhman və Rəhim olan Allahın adı ilə

41. Ey Rəbbim! Haqq-hesab çəkilən gün məni, ata-anamı və möminləri bağışla!» (İbrahim: 35-41).

Hədislərin birində deyilir ki, Süleyman ibn Davud "əl-Əqsa" məscidini tikdikdən sonra Allahdan üç özəllik istədi. Biz bu haqda, «Ey Rəbbim! Məni bağışla və mənə elə bir mülk ver ki, məndən sonra o heç kəsə verilməsin...» (Sad: 35) – ayəsinin təfsirində¹⁶⁶ məlumat vermişik, həmçinin onun haqqında danışarkən bu məsələyə bir daha toxunacağıq. Daha doğrusunu Allah bilir, amma görünür ki, Süleyman bərpa işləri aparıb. Çünki əvvəldə qeyd etmişdik ki, iki məscidin tikilməsi arasında qırx il müddət olub. Heç kəs İbrahim ilə Süleymanın arasında qırx il müddət olduğunu deməyib. Yalnız İbn Hibban "Təqasim və Ənvauhu"¹⁶⁷ adlı kitabında belə bir fikir söyləyib. Amma heç kəs bu fikirlə razılaşmayıb, nə də ondan əvvəl kimsə belə bir fikir irəli sürməyib. Daha doğrusunu Allah bilir.