| «55. (Yusuf) dedi: “Məni bu yerin (Misirin) xəzinələrinə məmur təyin et (Misir xəzinələrini mənə tapşır), çünki mən (özümə etibar edilən mal-dövləti) qoruyanam, (işləri idarə etməyi) bilənəm!”» Yusuf padşahdan onu taxıl anbarlarına nəzarətçi təyin etməyini istədi. O, yeddi bolluq ilindən sonra bu işə nəzarətin nöqsanlı olacağından ehtiyat edərək bu işə nəzarət etməyi öz üzərinə götürmüşdü. O, bu işin öhdəsindən layiqincə gəlib, işini Allahın razı qalacağı tərzdə başa vuracağını düşünürdü. O insanlara qarşı ehtiyatlı və mülayim davranacağını bilirdi. O padşaha bildirdi ki, o tapşırılan işin öhdəsindən layiqincə gəlmək iqtidarındadır. Etibarlı adamdır və anbar işini yaxşı biləndir.
Bu hadisə göstərir ki, işini yaxşı bilən və etibarlı olduğunu düşünən adam vəzifə istəyə bilər. Uca Allah buyurur: (Misirdə)__istədiyini_edirdi'>«56. Beləliklə, Yusufu o yerdə (Misir torpağında) mövqe (ixtiyar) sahibi etdik. O, (Misirdə) istədiyini edirdi (istədiyi yerdə mənzil sala bilirdi).» Sıxıntılı və məhdudiyyətli zindan həyatından sonra o, Misir torpaqlarının istənilən ərazisində rahat şəkildə gəzib-dolaşırdı. «O, (Misirdə) istədiyini edirdi.» O harada istəsəydi orada ona, başqalarının həsəd aparacağı qədər hədsiz ehtiram bəslənərdi.
Dostları ilə paylaş: |
