| «Həqiqətən, Firon,» onun pis vəziri «Haman və onların» tabeçiliyində olan «əsgərləri günahkar idilər.» Ona görə onlar əzabla cəzalanmağa layiq idilər.
Təfsirçilər deyirlər ki, Fironun evində xidmətçilik edən qızlar çayda üzən bağlı sandığı kənara çıxartdılar. Onlar sandığı açmağa cürət etmədilər. Onu gətirib Fironun arvadı Muzahimin qızı Asiyanın önünə qoydular. O, sandığın qapağını açdıqda uşağın üzündə peyğəmbərlik nuru kimi bir parıltı hiss etdi. Asiya uşağı gördü və uşaq onun çox xoşuna gəldi. O uşağa qarşı özündə hədsiz dərəcədə sevgi hiss etdi. Firon gəlib bu halı gördü və "Bu nədir?" – deyib onun kəsilməsini əmr etdi. Asiya uşağa görə qorxub, onu müdafiə etdi və dedi: «Bu uşaq həm mənim, həm də sənin gözaydınlığındır.» Firon ona dedi: "Sənin üçün ola bilər, amma mənim üçün yox! Mənim ona ehtiyacım yoxdur."
Dostları ilə paylaş: |
