MUSANIN ANASINA QOVUŞMASI
Uca Allah buyurur:
10. Musanın anasının ürəyi bomboş olmuşdu. Əgər (Allahın vədinə) inananlardan olsun deyə, ürəyinə səbir (səbat) əta etməsəydik, az qala onu büruzə verəcəkdi.
11. O, bacısına: “Onun dalınca get!” – dedi. O da hiss etdirmədən uzaqdan-uzağa (Musaya) göz qoydu.
12. Bundan qabaq Biz ona (Musaya) süd analarını (özgə qadınların döşünü əmməyi) qadağan etmişdik. (Musanın bacısı) dedi: “Sizin üçün o uşağa süd verməyi (ona baxmağı) təmin edəcək, həm də ona qarşı xeyirxah olacaq (onunla yaxşı davranacaq) bir ailəni sizə nişan verimmi?”
13. Beləliklə, gözü aydın olsun, kədərlənməsin və Allahın vədinin haqq olduğunu bilsin deyə, (Musanı) anasına qaytardıq. Lakin onların əksəriyyəti bilməz! (əl-Qasas: 10-13).
İbn Abbas, Mucahid, İkrimə, Səid ibn Cubeyr, Əbu Ubeydə, əl-Həsən, Qatadə, əd-Dəhhak və digərləri ayəni belə açıqlayırlar. «10. Musanın anasının ürəyi bomboş olmuşdu.» oğulunu düşünməkdən savayı dünyanın bütün işlərindən xali idi. «Əgər (Allahın vədinə) inananlardan olsun deyə, ürəyinə səbir» sabitlik «əta etməsəydik,» oğlu haqqında soruşub «az qala onu büruzə verəcəkdi.»
Dostları ilə paylaş: |
